ज्ञानवारी
कशाला जाऊ आषाढी कार्तिकी पंढरपुरी I
शाळेचे ज्ञानमंदिर माझी रोजचीच वारी ॥
माझे वर्गातले भान हरपून शिकवणे |
माझे रोजचेच ब्रम्हानंदी टाळी लागणे ॥
खडू ,फळा, डस्टर माझे टाळ वीणा नी मृदंग |
ज्ञानाची पखरण माझा रोजचाच अभंग ॥
पोरं सोरं येतात मन मोकळं कराया I
माझ्यासाठी तोच चंद्रभागेतिरी विसावा ॥
पालक येतात सुख दुःख सांगावया |
विठ्ठल -रुक्मिणी त्यांच्या रूपे भेटावया ॥
*ज्ञानसुत*
१९ ऑगस्ट १८